Өскемен қаласында Қазақстан халқы Ассамблеясының Шығыс Қазақстан облыстық XXXI сессиясы аясында өңірлік татулықты нығайту мен этносаралық келісімді дамытуға бағытталған жаңа бастамалар көтерілді, деп хабарлайды Altainews.kz тілшісі. 

Сессия барысында Қазақстан Республикасы Президенті жанындағы Мемлекеттік басқару академиясының Шығыс Қазақстан облысы бойынша филиалының директоры Жанар Бұқанова мемлекеттік қызметшілер үшін оқыту курстарын ұйымдастыруды ұсынды. Оның айтуынша, қазіргі уақытта ел ішінде біртұтас және тату ұлт қалыптастыру, диалог пен өзара ынтымақтастық орнату аса маңызды.

Облыс әкімі Нұрымбет Сақтағанов бұл ұсынысты толық қолдап, курстарды ұйымдастыруға жауапты мемлекеттік органдарға нақты тапсырма берді.

Бұл бастама – өңірде қоғамдық келісімді нығайтудың жаңа деңгейіне шығуға жасалған нақты қадам.