Бүгін, 17 маусымда Астанада өтіп жатқан «Орталық Азия – Қытай» саммитіне қатысу үшін Түрікменстан Президенті Сердар Бердімұхамедов Қазақстанға келді, деп хабарлайды  Altainews.kz тілшісі.

Сапардың басты мақсаты – өңірлік әріптестікті нығайту және Қытаймен бірлескен бастамалар аясында Орталық Азия елдерінің өзара байланысын арттыру.

2024 жылдың қорытындысы бойынша Қазақстан мен Түрікменстан арасындағы тауар айналымы 555,7 миллион долларды құраған. Екі елдің сауда-саттығы негізінен мұнай-газ өнімдерімен байланысты. Сонымен қатар, екі ел ірі инфрақұрылымдық және индустриялық жобаларды бірлесіп жүзеге асыруда, оған трансшекаралық инвестициялар да тартылып жатыр.

Түрікменстан «Солтүстік – Оңтүстік» және «Шығыс – Батыс» халықаралық көлік дәліздерін дамытуға белсенді түрде атсалысуда. Бұл бастамалар өңір елдерінің экономикалық байланысын күшейтіп, ортақ жобаларды іске асыруға жол ашып отыр.

Андрей Дудник

Фото: Ақорда