Биыл Күршім ауданында абаттандыру және жарықтандыру аясында Қойтас ауылының көшелерін жарықтандыруға сегіз миллион теңге қарастырылып, жиыны 78 тірек бағана қойылды, деп хабарлайды Altainews.kz тілшісі.

Сонымен қатар Күршім ауылының өзінде Ибежанов, Малдыбаев, Зангин көшелеріне жарық тартылды. Бурабай ауылында көше жарығын орнату жүргізіліп, ұзындығы 5195 шақырым болатын жарықтандыру тіректері, 232 тірек орнатылды. Дәл осындай жұмыстар ауданның Жолнұсқау, Ақсуат ауылдарында да жүргізілді. Енді аталған ауыл тұрғындары тәуліктің кешкі мезгілінде де еш алаңсыз қолға алған шаруаларын іске асыра алмақ.

Сондай-ақ, аудан басшысының айтуынша, интернет мәселесінде Топтерек және Ақши ауылдарындағы мемлекеттік мекемелерге талшықты-оптикалық байланыс желілерін жүргізуді 2026 жылдың соңына дейін "қолжетімді интернет" ұлттық жобасы шеңберінде қамтамасыз ету жоспарланған.