Бүгін Тәжікстан Республикасының Президенті Эмомали Рахмон Астана қаласына келді. Президент «Орталық Азия – Қытай» екінші өңірлік саммитіне қатысады, деп хабарлайды Altainews.kz тілшісі.

Қазақстан мен Тәжікстан арасындағы экономикалық байланыс жылдан-жылға нығайып келеді. 2025 жылдың алғашқы төрт айында екі ел арасындағы тауар айналымы 5,9 пайызға өсіп, 394 миллион АҚШ долларын құрады.

Қос мемлекет негізінен энергетика мен ауыл шаруашылығы салаларында тығыз жұмыс істеп келеді. Әсіресе технология алмасу, экспортқа бағытталған өнімдерді өңдеу және үшінші елдерге, соның ішінде Қытайға шығару бағытындағы жобалар басты назарда.

Андрей Дудник

Фото: Ақорда