Шығыс Қазақстан облысының әкімі Нұрымбет Сақтағанов өңірдің негізгі туристік нысандарына арналған QR-гидтерді енгізуді тапсырды. Арнайы QR-кодтар әуежайда, қоғамдық көлік нысандарында, қонақүйлерде және Өскемен мен басқа да туристік локациялардың танымал орындарында орналастырылады, деп хабарлайды Altainews.kz тілшісі ШҚО әкімінің баспасөз қызметіне сілтеме жасап.

QR-кодты сканерлеу арқылы туристер ШҚО бойынша ыңғайлы әрі қолжетімді гид ала алады. Онда қонақ үйлер, тамақтану орындары, көрікті жерлер, мәдени және табиғи нысандар туралы ақпарат, өзекті бағыттар мен қажетті байланыс нөмірлері қамтылады.