Бүгін Өскемен Арбатында белгілі қазақстандық композиторлардың күйлері орындалды. Сахнаға өнерпаздар шыққан сәтте, домбыраның алғашқы үнімен жауын басылды. Шара ұйымдастырушылары дыбыс зорайтқыш құрылғылары су болып қалғанын айтып, концерттің микрофонсыз өтетінін жеткізді. Алайда дәл осы табиғи үн – сүйемелсіз таза домбыра үні – кештің басты ерекшелігіне айналды. Домбыра бұрынғыдан да ерекше, жүрекке жетерлік күйде күмбірледі. Бұл сәтте ендігі бар дүние – күйші шеберлігіне байланысты болды.

«Ертіс концерт» мекемесінің әншісі Ботагөз Жұмабекованың акапелла орындауы көрермендердің ыстық ықыласына бөленді. Оның үні ерекше таза әрі әсерлі естілді.

Концертке жиналған жұрт ауа райының тосын сыйына қарамастан, өнерпаздардың қала тұрғындары мен қонақтарына нағыз рухани мереке сыйлағанын айтып, ризашылықтарын білдірді. Қатысушылар мен көрермендердің көзінен ұлттық дәстүрге деген мақтаныш пен шынайы сүйіспеншілік анық байқалды.

— Бұл жай ғана концерт емес – бұл рух пен сабақтастықтың мерекесі. Домбыра – қасиетті мұрамыз, халық жүрегінің үні. Балаларымыздың жүрегі домбыраның үнімен соққанда ғана халықтың рухы да өмір сүреді, – деді көрермендер.