Облыс орталығын көгалдандыруға арналған экологиялық акция аясында қала тұрғындары ағаш отырғызуға қатыса алады, деп хабарлайды Altainews.kz тілшісі.

Ағаш отырғызу бойынша экологиялық акция 2 мамыр күні облыс орталығында өтеді. Іс-шараға барлық ниет білдірушілер қатыса алады.

— Бұл Өскеменді көгалдандыруға, қаланы таза, көрікті әрі жайлы етуге өз үлесін қосуға тамаша мүмкіндік, – деді қала әкімдігінде.

Қатысушыларды жинау таңғы сағат 9:00-де Әл-Фараби даңғылы, 8 мекенжайында басталады. Ұйымдастырушылар белсенділерді құрал-сайманмен, сумен және жеңіл тағаммен қамтамасыз етеді.