Ұлы Жеңістің 80 жылдығына орай Қазақстан Ұлттық банкі номиналы 1 000 теңгелік мерейтойлық банкнотаны айналымға енгізеді. Ерекше үлгідегі ақша 9 мамырдан бастап қолданыста болады, деп хабарлайды Altainews.kz тілшісі.

Банкнотаның жалпы таралымы – 5 миллион дана. Бұл бастама – қаһарман отандастарымыздың ерлігі мен тылдағы ерен еңбегіне деген тағзым, тарихи жадты жаңғыртуға бағытталған.

Мерейтойлық банкнотаның алдыңғы бетінде Алматы қаласындағы 28 панфиловшы саябағында орналасқан Даңқ мемориалы бейнеленген. Бұл – еліміздің азаттығы мен тыныштығы үшін жан аямай күрескен жандарға арналған ерекше белгі.