Өскемен қаласы әкімдігінің бастамасымен Ұлы Жеңістің 80 жылдығына орай Кеңес Одағының Батыры, аты аңызға айналған қолбасшы Бауыржан Момышұлына арналған мурал салынып жатыр, деп хабарлайды Altainews.kz тілшісі.

Қазіргі уақытта муралды салу жұмыстары Өскемен қаласындағы Қабанбай батыр көшесі, 136 мекенжайындағы тұрғын үйдің қабырғасында жүргізілуде.

150 шаршы метрді құрайтын мурал батырдың бейнесін ғана емес, оның ерлігін, рухын, болашақ ұрпаққа қалдырар өнегесін де бейнелемек.