Өскемен қаласындағы А.С. Пушкин атындағы облыстық кітапханада Қазақстанның еңбек сіңірген қайраткері, «Құрмет» орденінің иегері, Халықаралық «Алаш» және Жамбыл әдеби сыйлықтарының лауреаты, жазушы, профессор Нұрдәулет Бәбиханұлы Ақыштың 75 жылдығына арналған «Нұрдәулет Ақыштың әдеби әлемі» атты әдеби-шығармашылық кеш өтті, деп хабарлайды Altainews.kz тілшісі.

Кешке қаланың зиялы қауым өкілдері, студенттер, қоғам қайраткерлері мен кітапхана оқырмандары жиналып, қаламгерге құрмет көрсетті. Әдеби кездесудің тізгінін жазушы-публицист, Қазақстан Жазушылар одағы Шығыс филиалының төрағасы Әлібек Қаңтарбаев ұстады. Ол кеш иесінің өмірі мен шығармашылығына қысқаша тоқталып, жиналған қауымды ашық пікір алмасуға шақырды. Сонымен қатар, Қазақстан Жазушылар одағының Шығыс филиалы атынан жазушының иығына шапан жауып, арнайы сый-құрмет көрсетті.

Кеш барысында қоғам және мәдениет қайраткерлері сөз алып, жазушының рухани және әдеби еңбектерін ерекше ықыласпен атап өтті. ШҚО Құрметті азаматы Сағынбек Ақанов қаламгердің шығармашылық әлемін жоғары бағалап, мерейтой иесінің 50 жасында белгілі жазушы Әбіш Кекілбаевтың айтқан сөзін еске салды:

Тарбағатай ауданы әкімінің аппараты басшысы Ермек Құрманғали туған жерінің төл перзенті – Нұрдәулет Ақышты аудан әкімінің құттықтау хатын табыстай отырып, жазушының туған өлкеге деген ыстық ықыласын атап өтті.

Ал Аманжолов атындағы ШҚУ магистранты Айым Дүйсенбекова өзінің ғылыми-зерттеу жұмысында жазушы шығармаларына талдау жасап жүргенін айтып, былай деді:

Кеште қаламгердің шығармашылығына арналған естеліктер де айтылды. Жерлесі Жеңісхан Қинаятов жазушының әкесі туралы жылы естеліктерімен бөлісті:

Кеш соңында кітапхана ұжымы атынан сөз алған шара ұйымдастырушысы Гүлбаршын Абылғазинова қаламгерге ризашылығын білдіріп: