Шығыс Қазақстан облысының Ұлан ауданында 20 маусым күні Алғабас ауылы маңындағы Синегорье орман шаруашылығы аумағында шыққан орман өрті жедел түрде сөндірілді.

Түтін сағат 14:26 шамасында байқалды. Өрт шыққан жерге дереу орман күзеті мен төтенше жағдайлар қызметінің күштері жіберілді. Өртті сөндіруге 20 орман күзетшісі мен 5 техника, сондай-ақ аудандық ТЖ бөлімінен 7 қызметкер, өрт сөндіру техникасы, дрон және спутниктік байланыс құралдары жұмылдырылды.

Өскемен қаласынан қосымша 12 адамнан тұратын топ келіп көмектесті. Жердің қолжетімсіздігіне байланысты өрт сөндіруге Ми-8 тікұшағы тартылып, ол сегіз рет су төгіп, өрттің негізгі ошағын сөндіруге көмектесті.

Өрт сағат 06:45 шамасында 0,25 гектар аумақта оқшауланып, сағат 07:00-де толықтай сөндірілді.

Алдын ала мәлімет бойынша, өрттің шығуына найзағай себеп болған.