ШҚО Жолаушылар көлігі және автомобиль жолдары басқармасына жаңа басшы тағайындалды
Өскемен
1-07-2025, 11:15
Шығыс Қазақстан облысында Жолаушылар көлігі және автомобиль жолдары басқармасына жаңа басшы келді, деп хабарлайды Altainews.kz тілшісі.
Аталған лауазымға Данияр Асқарұлы Уахитов тағайындалды. Ол — С. Аманжолов атындағы Шығыс Қазақстан университеті мен Д. Серікбаев атындағы Шығыс Қазақстан техникалық университетінің магистратурасын тәмамдаған.
Данияр Уахитов 2006 жылдан бері түрлі салада, соның ішінде тау-кен және металлургия кешенінде, кәсіподақ ұйымдарында, ауылдық округ пен аудан әкімдіктерінде басшылық қызметтер атқарған. 2023 жылдан бері Шемонаиха ауданы әкімінің орынбасары қызметін атқарып келді.
— Данияр Асқарұлының еңбек өтілі – 17 жыл, оның 9 жылы мемлекеттік қызмет саласында өтті. Енді оған жолаушылар көлігінің тұрақты жұмысын қамтамасыз ету, жолдарды уақтылы әрі сапалы жөндеу, сонымен қатар жаңа магистральдар салу секілді маңызды міндеттер жүктеліп отыр, – делінген облыс әкімдігінде.
ШҚО әкімінің баспасөз қызметі
