Өскеменде кемелер шеруі өтеді
Өскемен
1-07-2025, 10:51
Теңіз және өзен көлігі қызметкерлері күніне орай 6 шілдеде Өскемен қаласында алғаш рет кемелер шеруі өтеді, деп хабарлайды Altainews.kz тілшісі.
«Белалекс» компаниясының мәліметінше, биыл 6 шілдеде елімізде су көлігі саласы қызметкерлерінің кәсіби мерекесі аталып өтеді. Осыған орай Өскеменде Ертіс өзені бойында кемелер шеруі ұйымдастырылады. Шараның ұйымдастырушылары – компания мен мемлекеттік мекемелер.
Кемелер «Самал» саябағынан бастап, Ертіс бойымен «Ғашықтар аллеясына» дейін Қазақстанның туын желбіретіп сап түзеп өтеді. Шеру сағат 10:00-де басталады.
– 2025 жылдан бастап Өзен флоты қызметкерлері күні ресми түрде атап өтілетін болды. Біз бұл күнді жарқын әрі есте қаларлық етіп өткізуді жоспарлап отырмыз, – деді ұйымдастырушылар. – Шараға жеке кемесі бар барлық азаматтарды қатысуға шақырамыз.
Сондай-ақ 6 шілде күні Өскемендегі Өзен вокзалында жәрмеңке өтіп, мәдени бағдарлама ұсынылады.
