Самар ауданындағы «Қалисатарұлы» шаруа қожалығы егін және мал шаруашылығын дамытудың заманауи тәсілдерін қолданып келеді, деп хабарлайды Altainews.kz тілшісі.

Облыстың ірі ауылдық аудандарының бірі саналатын Самар өңірінде ауыл шаруашылығының әлеуетін арттыру мақсатында шаруашылықтар жаңартылып, орнықты даму бағытында жұмыстар жүргізілуде.

«Қалисатарұлы» шаруа қожалығы негізінен дәнді дақылдарды өсіруге маманданған. Атап айтқанда, мұнда «Алтайская-325» сұрпы бидай, «Илек» арпасы мен «Скакун» сұлысы өсіріледі. Сонымен қатар, ірі қара мен жылқы өсіру де жолға қойылған. Жалпы жер көлемі 2,3 мың гектардан асады. Оған егістік алқаптар, жайылымдар мен шабындықтар кіреді. Мұндай толық цикл – жергілікті деңгейде азық-түлік қауіпсіздігін қамтамасыз етуге мүмкіндік береді.

Аудан экономикасының негізін ауыл шаруашылығы құрайды. Аймақ басшысы тұрақты дамуға жетудің негізгі жолдарына тоқталып өтті: техника мен жабдықтарды жаңарту, өндіріс үдерістерін цифрландыру, табиғи ресурстарды тиімді пайдалану, жастарды тарту және ауыл кәсіпкерлігін дамыту.

Дамир Омаров

Фото: Махаббат Ахметжанова