Шығыс Қазақстан облысының әкімі Нұрымбет Сақтағанов пен Мәжіліс депутаттары Катонқарағай ауданындағы шекара бөлімшелерінің қазіргі жай-күйімен танысты. Олар Р. Батырханов атындағы және «Өрел» шекара бекеттеріндегі жағдайды назарға алды, деп хабарлайды Altainews.kz тілшісі ШҚО әкімдігі баспасөз қызметіне сілтеме жасап.

Шекара қызметінің күнделікті жұмысы мен қауіпсіздік шаралары сөз болды. Шекарашылардың дайындығы жоғары деңгейде екені айтылып, мемлекет шекарасының қорғалуы сенімді қолда екені атап өтілді. Сонымен қатар, бекеттердегі кейбір түйткілді мәселелер — ескі ғимараттар, жарықтың тұрақсыз берілуі және жол қатынасының қиындығы да көтерілді.

14 маусымда делегация «Уба» шекаралық бақылау бөлімшесіне баруды жоспарлап отыр. Бұл бекетке баратын жолдың да сапасы мәз емес, көлік қатынасы шектелген.

Шекарашылардың жұмысын жақсарту – ел қауіпсіздігін күшейту жолындағы маңызды қадам.

Фото: Махаббат Ахметжанова