Қазақстан Республикасы Бәсекелестікті қорғау және дамыту агенттігінің Шығыс Қазақстан облысы бойынша департаменті вагондарды әкелу-әкету жөніндегі қызметтер нарығында жоспардан тыс талдау жүргізіп жатыр. Бұл жұмыс департаментке келіп түскен өтініш аясында басталды, деп хабарлайды Altainews.kz тілшісі.

Талдаудың негізгі мақсаты – аталған нарықтағы бәсекелестіктің шынайы жағдайын анықтау. Осы мақсатта мамандар бірқатар бағыттар бойынша зерттеу жүргізуде:

• Тауар нарығының шекарасы мен оның нақты құрылымын айқындау;

• Өзара алмастырылатын қызмет түрлерінің белгілерін анықтау;

• Нарықтағы жалпы көлем мен негізгі субъектілердің үлесін есептеу;

• Бәсекелестік ортаның деңгейін бағалау;

• Қызмет көрсетушілер жұмысына кедергі келтіретін шектеулер мен қиындықтарды анықтау, оның ішінде нарыққа кіру тосқауылдарын зерттеу;

• Монополияға қарсы заңнаманы бұзу белгілерін анықтау.

Агенттік аталған талдау арқылы нарықтың ашық әрі әділ жұмыс істеуін қамтамасыз етуді, сондай-ақ жосықсыз бәсекелестіктің алдын алуды көздейді.

Мұндай жоспардан тыс шаралар нарық қатысушыларының құқықтарын қорғауға, тұтынушылар үшін қызмет сапасын арттыруға және экономиканың ашықтығын нығайтуға бағытталған.

Фото: depositphotos.com