Эколог күні мен Дүниежүзілік қоршаған ортаны қорғау күніне орай Шығыс Қазақстан облысында мектеп оқушылары арасында «Таза болса табиғат – аман болар адамзат» атты республикалық сурет байқауы басталды, деп хабарлайды Altainews.kz тілшісі.

Игі бастама ҚР Экология және табиғи ресурстар министрлігінің қолдауымен қолға алынып отыр. Байқауға Шығыс Қазақстан облысының барлық мектептерінен 1–11-сынып оқушылары қатыса алады.

Конкурс жұмыстары 13–28 мамыр аралығында қабылданады.

Қатысушылар өз жұмыстарын мына мекенжайға тапсыра алады:
Өскемен қаласы, Нұрсұлтан Назарбаев даңғылы, 4, 2-қабат, 209-кабинет.

Байқауға қатысу үшін арнайы өтінімді толтырып, байқау ережелерімен алдын ала танысу қажет.

Қосымша ақпаратты байқаудың жауапты ұйымдастырушысына 8-777-390-00-47 (WhatsApp) нөмірі арқылы немесе ШҚО бойынша экология департаментінің әлеуметтік желідегі парақшаларына жеке хабарлама жолдау арқылы алуға болады.

Фото: pixabay.com