Өскемен қаласында «Глобус» сауда үйінің артындағы Абай даңғылынан Комсомольская көшесіне дейінгі аралықта жолды кеңейту және жаңарту жұмыстары аяқталды. Жобаның аясында 3 500 шаршы метр аумақта жаңа асфальт төселіп, жол жиегіне автотұрақтар жасалды.

Жаңартылған жол учаскесі көлік қозғалысын жеңілдетіп, жүргізушілер мен жаяу жүргіншілерге қолайлы жағдай туғызды. Қала әкімдігінің мәліметінше, бұл жұмыстар Өскемендегі жол инфрақұрылымын жаңарту жоспарының бір бөлігі болып табылады.