Өткен жылы Қазақстандағы әрбір балаға Ұлттық қордан 129,38 АҚШ доллары мөлшерінде қаражат есептелді. Бұл туралы ҚР Қаржы министрлігіне сілтеме жасап Altainews.kz хабарлайды.

Мемлекет басшысы Қасым-Жомарт Тоқаевтың бастамасымен 2024 жылдан бастап іске қосылған «Ұлттық қор – балаларға» жобасы бүгінде мемлекеттік саясаттың басым бағыттарының біріне айналды. Бұл бағдарлама аясында еліміздегі барлық балаға жыл сайын Ұлттық қордан арнайы сома бөлінеді.

2023 жылы бұл жоба аясында жалпы 888 миллион доллар аударылып, еліміздегі балалардың болашағына жасалған ауқымды инвестицияның бір көрінісі болды.

Алайда, бұл қаржы бірден жұмсалмайды. Бағдарлама шартына сәйкес, жиналған қаражатқа тек 18 жасқа толған соң қол жеткізуге болады – мысалы, білім алу немесе тұрғын үй жағдайын жақсарту мақсатында.

Бұл – тек қаржылық тәртіпті қалыптастыру ғана емес, сонымен қатар жастардың болашағына салынған сенімді іргетас. Әр бала жеке капиталымен өмірге қадам басады, бұл өз кезегінде әлеуметтік жауапкершілікті арттырып, мемлекетке деген сенімді нығайтады.

Бүгінгі ұрпақ – ертеңгі ел болашағы. Сондықтан «Ұлттық қор – балаларға» жобасы балалардың ертеңіне жасалған ең сенімді қамқорлық деуге толық негіз бар.

Дамир Омаров