Құрметті орман шаруашылығы саласының ардақты қызметкерлері!

Сіздерді кәсіби мерекелеріңіз – Орман шаруашылығы қызметкерлерінің күнімен шын жүректен құттықтаймыз! Табиғатты аялау, орман байлығын сақтау мен көбейту – үлкен жауапкершілікті, жанашырлық пен еңбекқорлықты талап ететін маңызды жұмыс.

Сіздердің қажырлы еңбектеріңіздің арқасында жасыл желек молайып, еліміздің экологиялық тепе-теңдігі сақталып келеді. Орман – халқымыздың баға жетпес байлығы, ал сіздер – сол байлықты көздің қарашығындай қорғап жүрген жандарсыздар.

Сіздерге мықты денсаулық, еңбектеріңізге жеміс, отбасыңызға амандық пен бақ-береке тілейміз! Жасыл орманымыз мәңгі жайқалып, табиғатымыз таза болсын!