— Свинчатка ауылындағы білім басқармасына қарасты жазғы лагерьде оқуда, өнерде және спортта жетістікке жеткен студенттер, сондай-ақ әлеуметтік тұрғыдан аз қамтылған отбасылардан шыққан жастар демалады. 2024 жылы бұл лагерьде 14 колледжден 120 студент демалды. Биыл үш ауысым бойынша 150 студент қабылданады. Маусым айында колледждерде сабақ аяқталған соң, студенттер Бұқтырма жағасына жол тартады, — дейді облыстық білім басқармасындағы техникалық және кәсіптік білім беру бөлімінің өкілі Гүлмира Мамырбекқызы.