#Жаңалықтар / Шығыс Қазақстан
Шығысқазақстандықтар әлеуметтік желілерде Жалпыұлттық коалиция бастамасын қолдады
Сегодня, 16:19
Онлайн-белсенділікке өңірдің танымал тұрғындары — спорт шеберлері, пікір көшбасшылары, жастар ұйымдарының өкілдері мен қоғам қайраткерлері белсенді түрде қосылды. Олардың қатарында кикбоксингтен Қазақстанның бес дүркін чемпионы Аскар Можанов бар.
Twibbonize ашық платформасында арнайы «referendum2026» твиббоны жүктеліп, қысқа уақыт ішінде өсу қарқыны бойынша ТОП-1 орынға шығып, сервис ішінде ең көп қолданылған белгіге айналды. Сонымен қатар, платформада жалпыұлттық күн тәртібін қолдауға бағытталған өзге де бастамашыл онлайн-акциялар орналастырылған.
Бүгінгі таңда бастамаға қосылған қолданушылар саны 88 мың адамға жетті. Жаңа Конституция жобасын қолдайтын азаматтар қатары күн сайын артып, бұл Шығысқазақстандықтардың қоғамдық белсенділігі мен жоғары деңгейдегі қатысуын айқын көрсетеді.
