Өскемен әуежайы жолаушылар тасымалын ұлғайтып жатыр

Өскемен 16-05-2025, 18:00 0

Өскемен қаласының әуежайы бағыттар санын арттырып, рейстер жиілігін көбейтуде, деп хабарлайды Altainews.kz тілшісі.

4 мамырдан бастап Новосібір – Өскемен бағыты бойынша рейстер жиілетілді. Ал 13 мамырдан бастап Өскемен мен Анталия арасында тікелей чартерлік рейс іске қосылды.

Бұдан бөлек, 2 маусымнан бастап SCAT әуе компаниясы Өскемен – Шымкент бағыты бойынша тұрақты тікелей рейсті бастайды. Бұл бағыттағы ұшақтар аптасына төрт рет – дүйсенбі, сейсенбі, сәрсенбі және жұма күндері ұшады.

– Бұл бағыт, әсіресе, Шымкент әуежайынан халықаралық рейстерге қосылатын жолаушылар үшін өте ыңғайлы әрі сұранысқа ие болады деп күтілуде. Мысалы, Мюнхен, Будапешт, Мәскеу, Ыстамбұл, Сеул және Шанхай қалаларына ұшу жоспарлағандар үшін тиімді, – деді «Өскемен әуежайы» АҚ президенті Серік Оразғалиев.

Сонымен қатар, 19 мамырдан бастап ресейлік S7 Airlines компаниясы Мәскеу – Өскемен бағыты бойынша рейстер санын аптасына екіге дейін арттырады. Бұған дейін тек сенбі күндері ұшатын бұл бағытқа енді дүйсенбі күндері де рейс қосылады.

– Бұл қадам – Қазақстан бағытындағы ұшу бағдарламамызды дамыту жоспарының бір бөлігі, – деп мәлімдеді S7 Airlines компаниясы.

Елизавета Седых

Фото: pixabay.com

Қатысты мақалалар: Өскеменнен Шымкентке жаңа тікелей рейс ашылады Елімізде су басу қаупін азайту шаралары жалғасуда Иранмен инвестициялық ықпалдастықтың келесі кезеңі - шығыстық кәсіпкерлермен b2b кездесулер ШЫҰ аясындағы халықаралық семинарда Шығыс Қазақстан облысының делегациясы жасанды интеллектті қолдану бойынша оқудан өтуде Өскеменде 1 маусымнан бастап жазғы лагерьлер өз жұмысын бастайды

Өскемен әуежайы жолаушылар тасымалын ұлғайтып жатыр

Пікірлер

ШҚО жаңалықтары