Egyzmet.gov.kz ашық порталында Шығыс Қазақстан облысының бірқатар басқармаларында уақытша және тұрақты бос лауазымдарға конкурс жарияланды, деп хабарлайды Altainews.kz тілшісі.

Атап айтқанда, Шығыс Қазақстан облысының құрылыс, сәулет және қала құрылысы басқармасының тұрғын үй мониторингі бөлімінің бас маманы (лауазым мәртебесі – уақытша бос) қызметіне үміткерлер қабылданып жатыр. Бұл лауазым D-О-4 санатына жатады (А функционалдық блогы, 1 бірлік), ОМЖ-3.

Сонымен қатар, Шығыс Қазақстан облысының энергетика және тұрғын үй-коммуналдық шаруашылық басқармасының мемлекеттік сатып алу жөніндегі бас маманы қызметі де бос. Бұл лауазым D-О-4 санатында (Б функционалдық блогы, 1 бірлік), ГСПГЗ-1 тіркелімінде.

Аталған лауазымдарға қойылатын талаптар, конкурсқа қатысу тәртібі және қажетті құжаттар тізімі туралы толық ақпаратпен Egyzmet.gov.kz ашық порталынан танысуға болады.