Бүгін Глубокое ауданының Секисовка ауылында «Ауылдық денсаулық сақтауды жаңғырту» пилоттық ұлттық жобасы аясында жаңа дәрігерлік амбулатория ашылды, деп хабарлайды Altainews.kz тілшісі.

Жаңа медициналық нысан инфаркт, инсульт, жарақат және өзге де шұғыл жағдайларда ауыл тұрғындарына дер кезінде көмек көрсетуге мүмкіндік береді. Сонымен қатар, ауыл халқының денсаулығын нығайту, уақытылы профилактикалық және сауықтыру шараларын өткізу, скринингтік тексерулер жүргізу де жолға қойылады.

«Ауылдық денсаулық сақтауды жаңғырту» пилоттық ұлттық жобасы аясында облыста 36 медициналық нысанның құрылысы жоспарланған. Атап айтқанда: 7 дәрігерлік амбулатория, 2 фельдшерлік-акушерлік пункт және 27 медициналық пункт бой көтереді.

Ұлттық жоба өз жалғасын табады. Алдағы уақытта да көптеген ауылда медицина саласына жаңа серпін беретін нысандар ашылмақ.