Егіс науқаны басталып, диқан мен малшы ауылдары қайта жанданды. Ауыл маңындағы алқаптардың көркі мен берекесін «Шығыс Агрофорумы» еселей түсті.

Шығыс Қазақстан облысына жұмыс сапарымен келген ҚР Ауыл шаруашылығы вице-министрі Аманғали Бердалин Шемонаиха ауданындағы бірнеше шаруа қожалықтарының жұмысымен танысты.

Фермалардың құрылысы мен жұмысына 2,5%-дық мөлшерлемемен он жылға жеңілдетілген несие қарастырылған. Атап айтқанда, Шемонаиха ауданының Луговое ауылында орналасқан «Хамзин» шаруа қожалығы сүтті-тауарлы ферманы қайта құру жобасын жүзеге асырып жатыр. Жоба Солтүстік Қазақстан облысындағы үлгіге сүйенген.

Сапар барысында вице-министр Камышинское ауылына да барып, «Камышинское» шаруа қожалығының сүтті фермасы мен бордақылау алаңының жұмысымен танысты. Ол жергілікті атқарушы органдар мен сүт өндірушілердің үйлесімді жұмысына оң бағасын берді.

Фото: Жібек Нұрахмет