Катонқарағайда халықаралық «Алтай – түркі әлемінің алтын бесігі» фестивалі өтеді

Фестивальге Түркия, Өзбекстан, Әзербайжан, Мажарстан, Қырғызстан, Моңғолия, Тыва, Башқұртстан және Қарақалпақстаннан шығармашылық ұжымдар қатысады. Үш күндік бағдарлама ұлттық өнер мен түркі халықтарының ортақ мәдени мұрасын насихаттауға бағытталған. Бағдарламаға поэзия кеші, республикалық айтыс, этноауыл және халықаралық гала-концерт енгізілген. Шығыс Қазақстан облысы әкімінің орынбасары Ербол Жолдаспекұлының айтуынша, фестиваль өңірдің туристік әлеуетін халықаралық деңгейде танытып, түркі елдерінің мәдени байланысын нығайтады. Шараға халықаралық сарапшылар мен мәдениет қайраткерлері де қатысады. Ұйымдастырушылар мыңдаған қонақты қабылдауға дайындық жұмыстарын жүргізіп жатыр. Қауіпсіздік пен инфрақұрылым мәселелері ерекше бақылауда.