ШҚО бойынша Мемлекеттік кірістер департаменті бюджетке түскен салық түсімдері мен мүмкіндігі шектеулі жандарға арналған жеңілдіктер туралы мәлімдеді

Жылдың бірінші тоқсанында Шығыс Қазақстан облысында мемлекеттік бюджетке түсетін салықтық түсімдер жоспары 144 пайыздан астам орындалды. Бұл туралы өңірлік Мемлекеттік кірістер департаментінде хабарланды. Республикалық бюджет бойынша салықтық түсімдер жоспарының орындалуы 160 пайыздан асса, жергілікті бюджет бойынша көрсеткіш 121 пайыздан жоғары болды.

Ведомство мәліметінше, мемлекеттік бюджет кірісінің негізгі бөлігі пайдалы қазбаларды өндіруге салынатын салық, ірі кәсіпкерлік субъектілерінен түсетін корпоративтік табыс салығы, ЕАЭО-ға мүше мемлекеттер аумағынан импортталған тауарларға салынатын қосылған құн салығы, сондай-ақ төлем көзінен ұсталатын жеке табыс салығы мен әлеуметтік салық есебінен қамтамасыз етілген.

Ең жоғары көлемдегі түсімдер тау-кен және өңдеу өнеркәсібі, көтерме және бөлшек сауда, автокөлік пен мотоциклдерді жөндеу, сондай-ақ құрылыс салаларынан түскен.

Сонымен қатар департаментте артық төленген салықтар мен басқа да міндетті төлемдерді қайтару тәртібі түсіндірілді. Егер салық төлеуші салық міндеттемесінде көрсетілген сомадан артық төлем жасаған жағдайда, ол салықтарды, бюджетке төленетін төлемдерді, кедендік төлемдерді, өсімпұлдарды, пайыздар мен айыппұлдарды қайтаруды талап етуге құқылы. Ол үшін төлем жүргізілген мемлекеттік кірістер органына өтініш беру қажет. Қаражат салық төлеушінің банктік шотына қайтарылады.

Ведомство өкілдері биыл мүмкіндігі шектеулі жандарға арналған салықтық жеңілдіктер жүйесіне елеулі өзгерістер енгізілгенін де атап өтті. Атап айтқанда, I және II топтағы мүгедектігі бар азаматтарға жылына 5000 АЕК көлемінде әлеуметтік салықтық шегерім қарастырылған. Ал III топтағы мүгедектігі бар адамдарға, сондай-ақ мүгедектігі бар балалардың ата-аналарына, қамқоршылары мен қорғаншыларына жылына 882 АЕК мөлшерінде шегерім беріледі.

Бұдан бөлек, мүмкіндігі шектеулі азаматтар сот органдарына жүгіну кезінде және мемлекеттік нотариат кеңселерінде белгілі бір нотариаттық әрекеттер жасау барысында бірқатар мемлекеттік баж салығын төлеуден босатылады.

Сондай-ақ I, II және III топтағы мүгедектігі бар азаматтар қозғалтқыш көлемі 4000 текше сантиметрге дейінгі бір көлік құралы үшін көлік салығын төлеуден босатылады. Олар жер салығын толық көлемде төлемейді және тұрғын үй құнына байланысты мүлік салығы бойынша жеңілдіктер алады.

Мүгедектігі бар азаматтардың қоғамдық бірлестіктері қозғалтқыш көлемі 3000 текше сантиметрден аспайтын бір жеңіл автокөлік пен бір автобусқа салынатын көлік салығынан босатылады. Сонымен қатар бала кезінен мүгедектігі бар азаматтың немесе мүгедектігі бар баланың ата-анасының бірі жеке тұлғалардың мүлік салығын төлемейді.

Қазақстан Орталық Азиядағы ең үнемді су тұтынушы болды

Қазақстан Орталық Азия елдерінің ішінде жан басына шаққанда суды ең үнемді тұтынған ел болды. Бұл туралы Worldometer интернет-қызметінің мәліметтері куәландырып отыр.

Қазақстанда бір адам тәулігіне шамамен 3397 литр су жұмсайды, бұл — аймақтағы ең төменгі көрсеткіш.

Салыстырмалы түрде алғанда, Қырғызстан шамамен 4 153 литр, Тәжікстан 4 460 литр, Өзбекстан 4 778 литр суды тұтынса, бір адамға тәулігіне 15 445 литрге дейін су жұмсалатын Түрікменстан тізімде көш бастап тұр.

Worldometer мәліметінше, Түрікменстан тұрғындары күнделікті суды тұтыну бойынша Орталық Азияда ғана емес, әлемде де көш бастап тұр.

Жан басына шаққанда суды ең көп тұтынатын алғашқы он елдің қатарына кіргендер:

Чили (тәулігіне 5 880 литр);
Гайана (тәулігіне 5 284 литр);
Өзбекстан (тәулігіне 4 778 литр);
Тәжікстан (тәулігіне 4 460 литр);
Қырғызстан (тәулігіне 4 153 литр);
АҚШ (тәулігіне 3 732 литр);
Иран (тәулігіне 3 638 литр);
Эстония (тәулігіне 3585 литр);
Әзербайжан (тәулігіне 3 512 литр).

Суды тұтынудың ең төменгі деңгейі Африка елдерінде тіркелген. Ең төменгі көрсеткіш Конго Демократиялық Республикасында — мұнда жан басына шаққанда тәулігіне небәрі 32 литр су жұмсалып отыр.

Бұдан бұрын Су ресурстары министрлігі тұрмыста суды үнемдеу бойынша ұсыныс әзірледі. Айтуынша, жылына 35 мың литрге дейін су үнемдеуге болады.

https://kaz.inform.kz/news/kazakstan-ortalik-aziyadagi-en-unemd-su-tutinushi-boldi-249efb25

Қазақстан Орталық Азиядағы ең үнемді су тұтынушы болды

Қазақстан Орталық Азия елдерінің ішінде жан басына шаққанда суды ең үнемді тұтынған ел болды. Бұл туралы Worldometer интернет-қызметінің мәліметтері куәландырып отыр.

Қазақстанда бір адам тәулігіне шамамен 3397 литр су жұмсайды, бұл — аймақтағы ең төменгі көрсеткіш.

Салыстырмалы түрде алғанда, Қырғызстан шамамен 4 153 литр, Тәжікстан 4 460 литр, Өзбекстан 4 778 литр суды тұтынса, бір адамға тәулігіне 15 445 литрге дейін су жұмсалатын Түрікменстан тізімде көш бастап тұр.

Worldometer мәліметінше, Түрікменстан тұрғындары күнделікті суды тұтыну бойынша Орталық Азияда ғана емес, әлемде де көш бастап тұр.

Жан басына шаққанда суды ең көп тұтынатын алғашқы он елдің қатарына кіргендер:

Чили (тәулігіне 5 880 литр);
Гайана (тәулігіне 5 284 литр);
Өзбекстан (тәулігіне 4 778 литр);
Тәжікстан (тәулігіне 4 460 литр);
Қырғызстан (тәулігіне 4 153 литр);
АҚШ (тәулігіне 3 732 литр);
Иран (тәулігіне 3 638 литр);
Эстония (тәулігіне 3585 литр);
Әзербайжан (тәулігіне 3 512 литр).

Суды тұтынудың ең төменгі деңгейі Африка елдерінде тіркелген. Ең төменгі көрсеткіш Конго Демократиялық Республикасында — мұнда жан басына шаққанда тәулігіне небәрі 32 литр су жұмсалып отыр.

Бұдан бұрын Су ресурстары министрлігі тұрмыста суды үнемдеу бойынша ұсыныс әзірледі. Айтуынша, жылына 35 мың литрге дейін су үнемдеуге болады.

https://kaz.inform.kz/news/kazakstan-ortalik-aziyadagi-en-unemd-su-tutinushi-boldi-249efb25